صحيفة الفرسان الإلكترونية ـ تصميم ناصر الزعبي
مريت مالي حاجةٍ غير مسيار
في مجلسٍ لأهل الوفا يدهلونه
سلام ، كيف الحال ، وعلوم وأخبار
وش لونكم ياربعنا ، والمعونه ؟!!..
وسوالفي راحت على باب وجدار
مهما رفعت الصوت مايسمعونه
خذوا زوايا المجلس يمين .. ويسار
و كلٍ مدنق راسه لـ ( تيلفونه ) ..!!
فهد ال منيف
مالوم مثلك يوم بالوضع يحتار
وياكثرها تالي الزمن هالنمونه
اول مجالسهم سواليف واشعار
والرجل لامن قال مايسفهونه
واليوم راحت يا ابيض الوجه بادبار
اقفت مثل منهو تقافت ضعونه
كلن مدنق مثل قصاص الاثار
وراسه مدلي ماتشيله متونه
ناصر بن متعب