.
مميزات البريمي غاية المهتوي ما يجهل الفكسار اللي لسعره قوا
لا قابلك قدم وجهه تقل وجه حموي ولا دبر تقول منهو للمعادي نوا
الجيب يطوي تخاتيخ الفيافي طوي كل ما تطول المسافه قدم ويله طوا
موترك وسط البلد ولا صرت بدوي يثبت مع الخط لو ينطحك صلف الهوا
يطرب حجاج المسافر لو ماجنبه خوي لاصار هاجوس من ساقه بصدره عوا
منوت شجاعِِ على قطع الخرايم قوي تدرج كفاراته الاربع بعرقه سوا
لا عشّقه بدبل ينهض ماهوب يهوي لو كان عرق النفود ملازمه ماغوا
ودريوله بالخطوط الكايده ماغوي من صممه داخل اليابان عقله حوا
صاحي لونه من بلاك الخمر يرتوي هو كيف راسه لا من راسه الكاسه خوا
وعقله على كل ماحرم يميل نحوي لكن حديث المديل يصممه لا نوا
ديكور شكله ينومس كل من يهتوي وبين المواتر تشوفه شامخ المستوا
سعد بن تركي السحوب