.
قصيدة في السيد/ فرحان الزعبي بمناسبة مشاركته في جائزة الملك عبدالعزيز
لهذا العام 1438 هـ بالفردية ( مشهوره)
قاف شعري اليا منها طرتلي لحونه اتعبتني هجوس المفرده مالقتها
لين كلمني اللي كلكم تعرفونه من صناديد قومً تنعرف سالفتها
لابة كل فعل طيب يحتمونه فوق قبً تنازا يسمعون ارجفتها
زعب جزل المواقف دايمً يدركونه في ذرا حاكم الدولة يذعذع بختها
والمزاين هل الإبل كلهم يحترونه واللجان اعلنو ترتيبها وانظمتها
في مكان شمال العاصمه تنظرونه في صياهد ارماح اللي تشوق اسفرتها
جاك ندر الحلال اللي هله يشعفونه كل لونً تميز شكلها من فيتها
قال فرحان وين اشوط ونا زبونه شيخة الشقح قدامه تهفا شعفتها
جاب مشهورة اللي فعلها تذكرونه في الكويت العريقة قد خذت جايزتها
لا قبلة كنها لون الطفل في مزونه البكار الفواخر كلها من تحتها
الظهر مثل برج المملكة ياصفونه والفقارة تحول ماتنوش احجبتها
ورقبتها مع النسنوس ترفع امتونه ماتعين وصايف راسها ورقبتها
النحر باب شيخً لابته يدهلونه والخدود العراض وراسها واسبلتها
لانظرها منافسها تغير اضنونه صد يمشي الحاله مايقرب جهتها
خلها تضرب الميدان وتحول دونه والجماهير لا صاحت عليها شعتها
مبارك سيف الدوسري