.
طاب القصيد وزان بدع التماثيل اكتب يا ابو سبعان ذيب الصمايل
ما يارد الجزلات كود المشاكيل شرواك يامنديل والفعل هايل
يقدم اخو وضحاء على العرف منديل ويستاهل الانعام وافي الخصايل
لا صار من روس الشيوخ الحلاحيل وابوه تشهد له شيوخ القبايل
وتشهد له العراف وروس الرياجيل حلال صعبات الامور الثقايل
وكم واحدن بسجن ماعاد به حيل ومنهو نخاه الخوف والضيم زايل
تباشروبه بالفرج وتساهيل وعندي على ما قلت صك ودلايل
اعتق ارقاب ولا علا القول تضليل ونا اشهد انه حاز كل الجمايل
ومنديل عدا فوق روس الاطاويل بالفعل والميقاف والشك زايل
سعد بن تركي السحوب