.
في خاطري قصيدةٍ كنها الدين والدين ديّانٍ يدوّر طليبه
شحنّي الماقف وانا عارفٍ زين اللي يكود الناس نقدر نجيبه
حنا هل الحيزا وحنا هل الدين في ظفنّا يفنى الصبي في مشيبه
والى زعلنا يعرفون السلاطين شروق طغيان الشريف بمغيبه
والى انفطم منا الصبي جى حمر عين يدري به اللي عارف الفعل طيبه
وصالح حسن دحم رجالٍ مسمين بشواط فيها الكاسبه والمخيبه
دحمت في متنك يابو نادر إلين جملتنا وافرحت زعب العريبه
اخذتها بالعسر ماهيب فاللين ولاهي عليكم يالنشاما غريبه
الشوط الأول منه مالين الإيدين لكن فالثاني تجي فالغصيبه
حذفة عقالك مالها غير شيين يالفوز ولا الفوز رايح تجيبه
ادحم بمتنك كل شوط وميادين وتشجيعنا لك زود قدر ومهيبه
جينا مثل موجٍ يدك المعادين ولابه طلب يتبع ولا له طليبه
المركز الأول لنا يحمر العين والمركز الثاني يدوّر نصيبه
عبدالله بن شنار
التعليقات 1
1 pings
ماجد ابن بادي الوهيبي
09/12/2016 في 11:39 م[3] رابط التعليق
عز الله فرحنا ولاهيب غريبه عليه ابو نادر