.
ذعذع يا ذعذاع العصير الكريه وانقض جروحٍ فالحشا ربما
اطلع من الضيقة بـ عذرٍ وجيه يصدّ همّ الليله اليّا ارتما
حسبي على الحاجه وبيض الوجيه اللي تشوم عْن الردي وتحما
مير الردي لا بارك الله فيه جمّه ملي والكفو ميّت ظما
ما يخدع القلب النظيف النزيه الا الرخوم اللي يجون كْرما
و ان كلحت الايام شاف النبيه الفرق ما بين البشر والدُما
يا قوّ باس الياس عن ما تبيه الي على أنقاض الاماني نما
حالي بعد ما صابني لك عليه مستوحشٍ ما احس بـ الانتما
ادل مطلوبي ولا احتلت اجيه ماني عما لكنّ كني عما
اللي عليّ ان موقفي بحتميه حتى لو انّي و الحظوظ خصما
و ان ما بقى وجهٍ أوجه اليه وجهت انا وجهي لوجه السما
علي بن محمد البراطمي