.
الله يعافيك ويعافيني أنا بخير وحاضر وموجود
لاجيتني لازم تلاقيني صحيبك اللي يبذل المجهود
إرقا سنود ولا تواسيني أنا على خبرك قوّي عضود
وللي بغيته تـاصل يديني ومن قدح زندي نشعل البارود
لاتضعف وخل الأمل فيني من بعد ربي يـنحل المعقود
لاتستشك وحالي يـزيني لو شفت رجليني بليّا فـود
مابه خلاف وضاحكه عيني ولـكل شخصٍ يومه الموعود
العمر لو هو طوّل سنيني لابد ننزل لحدنا الملحود
واللي كتبه الله مرضيني والحمد لك ياربي المعبود
خيره وفضله دوم ماليني لو جيت أعدد ماهو بـ معدود
مسلم وأصلي حافظٍ ديني وزعبي كفو وش عاد نبغي زود
خالد فهد بن سلامه