.
صدر الأراضي له شهر ممقوت عشبه ذبل والصادرات تفوت
اليوم ظلله السحاب اللي جرى بأمر الحيّ ذو الجبروت
أرزاقنا ماهيب عند الناس عند اللي قسّم بالأراضي قوت
إذا تَخوّفنا من الدنيا وش صار مع يونس فبطن الحوت
سبحان من تخضع له الهامات وتسبحّ بحمده بعالي الصوت
اللي فرق بحره على موسى وأنجاه وأنجى قومه من الموت
آمنت به وآمنت بمحمد وتبعته ومن يتبعه مبخوت
مافيه مسلم يرجي من الله إلاّ عطاه الدرّ والياقوت
الشكر لله والثنا والحمد في كل حال المسلمين قنوت
بالحمد كل أنعامه بتبقى واللي مايحمد له صدر مكبوت
بكره يشيل الله من أنعامه مثل ماشال الملك من طالوت
محمد بن عبدالله الهميم