.
بالوجه شي وشي ثاني بالضمير واعذارك اللي قلت ماهي كافيه
واذا خفاني من عمايلْك الكثير فـ الله لا تخفى عَلَيْهِ خافيه
السالفه مابين شر وبين خير وانا مُصرّ اجاوب بْـ لا النافيه
تسأل عن العلم الدناويّ الحقير وأسأل الله العفو والعافيه
مانيب فاهم كيف حثّيت المسير الدرب متشوّك ورجلك حافيه
اشوف غاياتك ويطري لي الامير اللي يبي السمعه وناره طافيه
عُذراً بعد ماشرّف الثلث الاخير اقاطع اسألتك بـ نيّه صافيه
الوقت هذا قد يحدد لك مصير لو تستغله في عبادة وافيه
على الاقل استغفر الحيّ البصير قدام لاتسفي عليك السافيه
وان كان ما تشعر بـ تأنيب الضمير دوّر لك وسادة وغرفة دافيه
علي بن محمد البراطمي