.
هذي قصيده قديمه عام 1994 كتبها الشاعر مطلق بن شنار المديبغ
في الامير خالد الفيصل عندما كان امير عسير آنذاك ويحثه علي تبني الحفاظ
علي الموروث الشعري ويرشحه لامارة الشعر والنهوض بالتراث
وتطرق فيها للمؤسس الملك عبدالعزيز وكفاحه في توحيد المملكه
وقد نشرت في مجلة اليمامه السعوديه وفي جريدة الوطن الكويتيه
وقام بعض الشعراء بالتأيد والمجاراة للقصيده
وقد اهدي الامير خالد الفيصل كتاب شكر للشاعر مطلق ابن شنار
علي هذه المبادره
مع القلم والطرس ومداعب الطيف بسهر مع الافكار حتى الصباحي
بسم الأله مصرف الكون تصريف مرسل نبيه بالهدى والصلاحي
بديت بالترحال من ضفة السيف متوجهين للأقليم السياحي
رحلة وفا لأهل الوفا ما بها زيف والقصد واضح ما يبي له ايضاحي
نبي وطن هاك الجبال المشاريف من عز راعيها نوينا المراحي
من الكويت لمنطقة دايم السيف جيت اقترح وارجو قبول اقتراحي
بقولها يا امير من غير تحريف تنصيبكم لامارة الشعر تاحي
يا عاسف صعبات الامثال تعسيف لك طايعات بالمجي والمراحي
لامارة الشعار يا مكرم الضيف نهدي لك البيعة بكل ارتياحي
زعامتك للشعر يا امير تشريف وحنا كذلك نعتبرها وشاحي
بنكلفك بامارة الشعر تكليف وحنا وراك بكل حزم ونصاحي
ونبي لها يا امير ندوة وتثقيف حتى يحالفها السعد والنجاحي
ويعمل لنا التلفاز للحفل توصيف وينقل لنا ما دار بالافتتاحي
موروثنا يحتاج جمع وتصنيف وان ما تبنيته ذرته الرياحي
قل تم وانزل عند رغبة هل الكيف حيثك مؤهل من جميع النواحي
بالشعر وافي ما تبي زود تعريف وبالاصل من دولة طوال الرماحي
ربع اليا صار السماء فيه تغليف يصبح بهم صلف الصناديد صاحي
ربع تعنف تايه الراي تعنيف بمهند للخصم سم ذحاحي
الا عتلوا سرج المهار المزاعيف وحمى الوطيس وزل وقت المزاحي
كم جندلوا بنحورهن كل حريف عقب المكابر والعناد استراحي
يقودها ليث جسور على الصيف هذاك ابو تركي طويل الكفاحي
اللي جلا عن نجد كثر التخاريف واستبشرت عقب الدجا بالصباحي
يا ما على كور النضافى ظما الصيف فج الفيافي فوق بيض اللواحي
وفي راية التوحيد روض هل الريف ثم اتجه للحاضرة والضواحي
يوم معايير ويوم مناكيف لين استتب الامن والشر راحي
من عقب ما كانوا شتات وتناتيف والجار عند الجار دمه مباحي
تعج باصناف الجهل والعواصيف وحتى البشر فيها تحول اشباحي
الف قلوب الناس بالحق توليف وصاروا اخوان بكل حدب وبطاحي
حتى اصبحت من غير خوف وتخويف دستورها القرآن دين الفلاحي
يمشي المسافر من شروره الى طريف من العدالة ما يشيل السلاحي
عن فعل جدك جبت نبذه وتوصيف وعن باقي التقصير نرجي السماحي
قل تم وانزل عند رغبة هل الكيف حيثك مؤهل من جميع النواحي
مطلق بن شنار المديبغ