.
يا أهل الدروب اللي تعرفون لينه اللي مغيب أنسور وان كان ماشين
أخذو حريب النوم ماطب عينه بين الشقاء والهم والعسر واللين
أخذوه يبغى مابقى من سنينه كم صارع الدنيا ولا الناس دارين
في كل قمرا ترتكز حاجبينه لا من طرى له خوة ارجال وافين
والبارحه فيها الدقايق حزينه من وين ماوجهت من وين من وين
فراج لا تبحث خفايا مدينه لصار مابه قلب ما تنفع العين
وقتن يشوف الرجل فيه الغبينه وتروح قدامه على راحة ايدين
فكرت فالدنيا علينا متينه ماشفت اياديها ولا شفت رجلين
نركض على مر الزمان ودفينه نركض ولا ندري على وين لافين
يا خوك انا قلبي تزايد حنينه أيتوق للمنهاج من حين لا حين
كني كسيرن قاضبينه رهينه عدوانه اللي فوق راسه ثلاثين
تباشرو به يومهم خابرينه اللي من اول كم حداهم على الشين
عبدالله بن عجين الزعبي