.
يالطيف الروح هجرانك طواني طية القرطاس بيدين الصحافه
في حياتي ماخبرت اللي قصاني وانت عديت القصا فوق المسافه
كيف هاجرني قبل عيد رمضاني ما حسبت لونتي مابك مخافه
التغلي له حدود وعلم ثاني والجفا راعيه مايخفي عيافه
انت غالي مير زودت المعاني لاتقاصي واحدن الموت شافه
والله اني منك جاني ما كفاني ارحم اللي طاح في حال المرافه
يانعيم العود ياجالي الثماني مترفن بالحيل تزهاك الترافه
بالوصايف مثل حوري الجناني او غزالن ذاير له مع كشافه
من سهوم الموت بعيونه رماني من صواريخ السوفيتي باعترافه
مشغلن قلبي على طول الزماني ناعس الطرفين كلفني كلافه
لاكليت الزاد عقبه ما هناني ما درى باللي جرالي واحسافه
مركب اللي كن في راسه نواني فارس ياخذ على الخيل انحرافه
من حمول الخيل مروين السناني والصعب لاجاه زين له عسافه
فراج بن ناشي