.
ياسلام الله على اللي يبوجون الخلا لابتن قدامهم دايم العاصي يطيع
يرتعون القفر بالغصب لازان الفلا رايهم واحد وسلفانهم دايم جميع
زعب هم ربعي هل الطيب والراي العلا بالمواقف والنقا شانهم شان رفيع
فاالعصور الماضيه يوم للجمعا حلا كم شعيب دوجو فيه بحلول الربيع
يكرمون الجار والضيف قالوله هلا والعواني والخوي عندهم مثل الوديع
يشترون الزاد لو كان مدخوله غلا والشحم والبن للضيف يقرابه سريع
لاخذو ذود المعادي وشب المشعلا راعي المشعل على ساقة ربوعي يضيع
لازبنهم ماخذا الثار ومن داره جلا طالبه يرجع ولاله من السبعه سبيع
عندهم يلقا الكرامه ومن ربعه سلا والليالي حيل لكن للجاني دفيع
الصديق يعين الخير من شرب وكلا والعدو يمسي ويصبح على شوك النقيع
كلهم عقال لاكن بالوش اجهلا لاتجاهلهم عدو يبي منهم طميع
يوم شافو كل شعبن من القوم امتلا والشريف بدولته جاتهم مع كل ريع
فكو الحيزا وسقم المعادي مانجلا دونها ساقو من الخيل وحصان طليع
ساقو التسعين وارواحهم قدم الملا لين صارو من ورا جارهم سد منيع
نلطم العايل وحنا مقابيس البلا في نهار يظهر الشيب في وجه الرضيع
ننزل الحزم المطرف ولا فيه اعملا بامهات الخمس والخيل والسيف الوريع
ننزله بالطيب والغصب مافيها ولا عندنا ما فيه لحدن من العالم صنيع
نقبل الصلح الحقيقي وللضد اقبلا من بغى يشري مع الناس ملزومن يبيع
من رفع راسه نطقه وللراس عدلا والجبل ضد الجبل والجبل طقه شنيع
والختام ازكى صلاة على سيد الملا الرسول اللي على الحق لاتباعه شفيع
فراج بن ناشي