اما تجيب الطيب بسكات ولّا مالك ترا فـ مناشب اهل الوفا طيب
ما فيه طيّب عن وجوبه تخّلا كلٍ بيدفع ما تهيّا من الجيب
لاجيت للكاشير لحيّك تدلّا كنْك الوحيد ابو الكرم والمواجيب
الأحراج ماهو طيب لا والله الا يضفي على الفعل المسمى عذاريب
من يصحب السمح البشوش يتسلا والعسر يتعب صاحبه بــ المطاليب
اما ضيوف البيت حاشا وكلا مالك عن حقوق المسايير تجنيب
حق المسيّر في محلك تجلّا بالبن والطيب وحلال الجلاليب
اللي لا جاه الضيف رحّب و هلّا اسمه يصير ابو الهلا والتراحيب
علي بن محمد البراطمي
ali_ohio
التعليقات 2
2 pings
Saud
18/10/2015 في 6:24 م[3] رابط التعليق
شاعر كفوووو وصح السانه
حمد نايف المدلاج
28/10/2015 في 9:33 م[3] رابط التعليق
صح لساااانك
وبيض الله وجهك على هالابيات الرائعة والتي تنم عن شاعرية فذة وامكانيات ممتازة .