المكان يحدد سياق المقال لا خلط رعّادها همٌالها
والسلام أفضل مفاهيم الوصال والبشر تسعى لمن يسعى لها
والجبل يبقى جبل مثل الجبال فرقها بحجامها واطلالها
ويا شعيل ليا عجزت من الثقال الحمول الجايره لجمالها
لاتزود القول وازود إنفعال اختصرها وش تبي فطوالها
قلت لك وآقول لك يبن الحلال العرب ماهيب حسب اشكالها
الفعول الكايدات أكبر مثال أتعرف في وقتها شيّالها
مايفيد الهرج لا طال الجدال الرجال اقيامها بفعالها
والله انْه أشدّ من مرّ السؤال حقد الأنفس لا رجح مكيالها
والبخيت اللي ليا جاله مجال يعرف مخراجها ومدخالها
والضعيف اللي تهيّت له ومال وقام يطاولها مع عيّالها
ولا تعد من الرجال الا الرجال اترك اشباه الرجال بحالها
لا تفيدك لا فجاه ولا فمال حالها بين العرب يرثى لها
عبدالله بن شنار