لاصار هاجوسي على صدري يويق سرجت خيل الفكر للبدع عايد
تحت الضلوع الحدب لجة معاليق هيض القريحه مايبعد وحايد
يارد مثل عبرود زند التفافيق ونختار من طيب القوافي جدايد
لبدعك يابن شنار ربعك شفافيق وكسبت دين وطيب والعرف زايد
احصان وبن حصان وترثت مطاليق والعرق شامخ فوق روس النوايد
حكيم يشهدلي جميع المخاليق بالراي والحنكه تحل الشدايد
لطاريك طوعنا المعاني بتوفيق ودونت طاروقه جزال الفرايد
قدمه ولد من منزله بالشواهيق فعله مخلد بالعصور البعايد
معزه يابو راشد ولا حافني ضيق وقصيدتك بالذود جابت قصايد
بصحيفة الفرسان عنوانها يليق من بن صباح موثقه بالشهايد
بالوصف تبدع نادرات الطواريق من سنين وهاذي لبوراشد عوايد
لشرواك سطرت البيوت الملاحيق يامطوع العاصي ولو كان كايد
لك في مجال الشعر هيبه وتوثيق بدع النبط مشهور قبل الجرايد
بوسط الخليج اسمك شهر بالتواثيق وقبل قنوات الفضا الاسم شايد
سعد بن تركي السحوب