تغريدات شعرية للشاعر
عبدالعزيز راشد بن دواس
خبري بنفسي قبل تذبحني سنين الغياب
يوم السما كانت على دار الغلا ماطره
ومن غاب عني صار حالي من عذاب لـ/عذاب
حزين واكسر خاطر الي مِنكسر خاطره
الحياه تمرني وتصد عنّي
صدةٍ ماظن تاليها مواجه
آه من حظي ومن نفسي ومنّي
وآه من فقد الامل في كل حاجه
تهادى فديتك واقترب لي يابو كلْ شي
يابو كلّ شيٍ ياخذون الوصايف منه
على راحتك راحت سنينٍ ماهي بخلي
مثل مايروح الي يمرك ماتنشد عنه
والله اني ضايقٍ منك ماعندي حلول
معك حمّلت المشاريه فوق المستطاع
ويش اسوي يوم صديت ولا ويش اقول
يوم بسماتي مواصل وبسماتك وداع
فالشعر وابداعاته الي تغنيك
نبراتك تأثر ،، ووجهك يأثر
وانا قصيدي اكثره مرتبط فيك
تبيني ابدع اكثر ؟ افتنّي اكثر
اكلمك وانت صوب فلان وفلان
ويضيق بالي معك ويضيق صدري
وتجي وتسأل تقول شفيك زعلان
تحط نفسك ماتدري وانت تدري
غموضها فتنه ويملى الارض والدنياوضوح
متفرده لاهي بلا تشبه ولا هي تشتبه
حتى المكان الي تمره غافله تعطيه روح
هي غافله بس المكان الي تمره منتبه
ماني مصدق عيوني هذه انتي
ماكبرتي ماضعفتي مامتنتي
بسمتك هي بسمتك يوم نتفارق
يوم صنتك باصدق احساسي وخنتي
ماني مطول عليك ولا مكثر
ودي اسأل عقب ماغبتي وبنتي
الصغار الي معك منهم عياله
يشبهوونك لايكون عيالك انتي
شعور من ودّعك مُرغم وقلبه ضعيف
وشلون يسمعك ، أو يقراك ، أو يكتبك
ابلغ من الشعر ، واخجل من شعور الكفيف
لاسمع ضحكات من حوله ، سكت وارتبك
حضرت الليل ماخلّى لنا بال
لاتقولون لي تكبر وتنسى
الطواري عيونٍ دمعها سال
واهني من سرى ليلته وامسى
اترك الدنيا على كف من عاشك غياب
لين اعيشك حسّ والقاك وادلّك واتوه
ولاتسولف للرضا وانت مليان ارتياب
لقّني بالك والقّيك قلبي كلبوه
اسحب من الملوك المترفين البساط
يوم تنطق بعد مايبطي سكوتها
واستمّد السعاده واستمّد النشاط
كل ما اسمع صباح الخير من صوتها
على مطيح الحظ ما اخترت السكوت
الله عطاني صبر واعطاني عزم
ابقعد احاول أحاول ليييين اموت
ماودي ارجع واشعر اني منهزم
كلامك الي مرسله وانت زعلان
بسيط لو غيرك من الناس قاله
حاولت اسمّي زلتك زلة لسان
لكنها مكتوبةٍ في رساله
احد مراكيضه ورى رزقه مراكيض الوحوش
ولايحصل غير نص ريال او نص هلله
واحد على فاله مافكر فالحياه وفالقروش
ويقسمله الله خير يغني فيه ربعه واهله
لي وقت ما اعرف لا أسهر ولا اعرف انام
مغير افكر وتفكيري أذى في أذى
يوميًا الوم نفسي لين ملّ الملام
وعزالله اني من اول كنت ماني كذا
بالي ماتملاه الرحابه
بصدور الايام الوسيعه
حتى اختلافاته تشابه
يدل والطاري يضيعه
غريب والاكثر غرابه
غرابته صارت طبيعه
مالقيت ابرك من العلم بالشي الحرام
واجتنابه من ضميرٍ صحيحه نيته
ومالقيت امحق من الشيخ عقب الالتزام
لابدا يسبل ثيابه ويحلق لحيته
لاتحرجيني بالعتب والمشاريه
نفسي على نفسي يكفي عتبها
ولاتسأليني عن سبب غيبتي ليه
انا بنفسي ما اعرف وش سببها
لاصار عندك امل بالله تصير الحياه
ابسط بوااجد من الي كنت متصوّره
والله لامنّه قسم رزقٍ على العبد جاه
ويلقاه لو مادرى عنّه ولا دوّره
لك الله من اول ماصدفتك وانا مشغول
ولا ادري وش الي شاغل ٍ فيك تفكيري
كلامٍ بصدري من صدفتك وهوّ يجول
واخاف اتكلم وانت مشغول مع غيري
سولف علي واذبحني بنبرة الصوت
وامسك خفوقي قبل تمسك يديني
عليك ماني بداعيٍ جعلك الموت
لكن عساك تعيش وتموت فيني
تهادا فديتك واقترب لي يابو كل ْ شي
يابو كلّ شيٍ ياخذون الوصايف منه
على راحتك راحت سنينٍ ماهي بخلي
مثل مايروح الي يمرك ماتنشد عنه
يالاريحي ما تنفع الاريحيّه
مع العرب خلك صديعٍ مناحي
واللي تعاملهم على حسن نيّه
بكره يسمونك خبل وانت صاحي
خليتني والليل مايعطي جواب
وعلقتني مابين ليه وبين ليه
الشك من بعد الثقه قطعة عذاب
ان كان من حبيت ، صرت تشك فيه
فالشعر وابداعاته الي تغنيك
بسماتك تأثر وصوتك يأثر
وانا قصيدي اكثره مرتبط فيك
تبيني ابدع اكثر افتنّي اكثر
يامدّعي فالسباحه فالبحر والمحيط
بهديك مرجانته واهديك لولوّته
وبهديك معها لصياف السحيمي شريط
يمكن تعلّم من ابداعه ومن قوّته
شعور من ودّعك مُرغم وقلبه ضعيف
وشلون يسمعك أو يقراك أو يكتبك
ابلغ من الشعر واخجل من شعور الكفيف
لاسمع ضحكات من حوله سكت وارتبك
تاخذ البال طاري لين تملاه خوف
وتِتعب الليله الي ماغفت عينها
صدةٍ جات مدري كبر مدري ظروف
كل ماخفّ داعيها ثقل طينها
شرهات بعض العرب لاجيت احللها
تطلع نتيجة تشرّهم على الفاضي
وقلوب بعض الاوادم لو نبدلها
امسيت عن كل خلق الله وانا راضي
على كثر ما اعاني على كثر مايرتاح
هذا هو من اول سالفه واول مواجه
خذا كل حاجه ترتبط فالحياه وراح
وترك كل حاجه ترتبط فيه تحتاجه
كلامك الي مرسله وانت زعلان
بسيط لو غيرك من الناس قاله
حاولت اسمّي زلتك زلة لسان
لكنّها مكتوبةٍ في رساله
لاصار عندك أمل بالله ، تصير الحياه
ابسط بواجد من الي كنت متصوره
والله لامنه قسم شيٍ على العبد جاه
يلقاه لو مادرى عنه ولا دوره
قلت اترك الاسئله ماهي بتعنيك
ياكثر ما أسج وأفكر وافهّي
فقران ومنّتف الله لايوريك
والبنك يامر على مالي وينهي
قال ازهم الشيخ لين الشيخ يعطيك
الشيخ يرهي مثل ما الغيم يرهي
قلت ان زهمته وصد الله يخليك
تعطيني وجهك لامنّه ضاع وجهي
اثر بعض الروس لاهب الهوى قامت تواما
واثربعض الناس معطى بس معطى ومحرومي
كل يوم اقضي لزوم الطيبين من النشاما
بس لذا الحين ماعينت من يقضي لزومي
طوّلت خطواتي وطاولت الايام
مع العدا والاصدقا والولايف
قبل امس كنت اسعى لتحقيق الاحلام
واليوم من تحقيق الاحلام خايف
باحاسيس القلوب الصافيات البيض
وبنبضات الغلا في كل قلبٍ عذب
ابحبك بها ليين الغرام يفيض
ولييين آخر نفس وآخير قطرة حب
ان سكت بطاري الجرح ماهو من فضا
وان ضحكت بوجه الايام كنّي ماضحكت
السكوت احيان ماهو علامه للرضا
شوفني لاقلت اخليك صديت وسكت
ياكثر شرهاتنا فآخر محطة غرام
ومارجعت وقتنا الي فات شرهاتنا
خليني ابوح لاحساس الاماكن مدام
الحظ يا ام العيون الفاتنه فاتنا
لاصار عندك أمل بالله تصير الحياه
ابسط بواجد من الي كنت متصوره
والله لامنه قسم شيٍ على العبد جاه
يلقاه لو مادرى عنه ولا دوره
رغم كل الظروف القاسيه والفقر والحرمان
انا أخاف الغناه الراهيه بكره تضيعني
وتصغر قيمتي في عين نفسي واطلع الخسران
ليا سويت اوفكرت بأمورٍ ماتقنعني
ياكثر ما أسمع ويا كثر ما اواجه
تعبت والي مبعدّني مقربني
نفسي تبي حاجه وعقلي يبي حاجه
ومعاند النفس ويا العقل متعبني
سولف علي واذبحني بنبرة الصوت
وامسك خفوقي قبل تمسك يديني
عليك ماني بداعيٍ جعلك تموت
لكن عساك تعيش وتموت فيني
عقب البطا ومكابد ايام الاحزان
يامرحبا بالنادر الليّن الصلب
ماني مسولف لك من لسان لـ/لسان
تعال اسولف لك من القلب للقلب
بعد طول تفكيري وكثر انشغالي فيك
تحمّلت طعنات الخيانه ومريتك
مع انك ماتستاهل مجييّ عشان اجيك
لكنّي عشان اقطع علاقاتنا جيتك
ماني مصدق عيوني هذه انتي
ماكبرتي ماضعفتي مامتنتي
بسمتك هي بسمتك يوم نتفارق
يوم صنتك باصدق احساسي وخنتي
ماني مطول عليك ولا مكثر
ودي اسأل عقب ماغبتي وبنتي
الصغار الي معك منهم عياله
يشبهونك لايكووون عيالك انتي
غموضها فتنه ويملى الارض والدنيا وضوح
متفرده لاهي بلا تشبه ولا هي تشتبه
حتى المكان الي تمره غافله تعطيه روح
هي غافله بس المكان الي تمره منتبه
اسمع الي لاعطا العلم علمه مايبور
واترك الي ياخذ العلم ويلف طرفه
الرجل لاميّل الوقت فالشده صبور
بس يفزع دون دينه وماله وشرفه