الهوى والمفارق والصبر يا عزيّز توجع الرجل لو إنه زبون المراجلْ
عان قلبي من المجمول مافيه حيّز علّقت به ثلاث ارماح جردً عواجل
ومن سببها طريح فراش ماعاد اميّز صابني بالحجاج وبالعيون النواجل
وكان عينت لي دكتور طب متميّز ارسل ارسالتي واكتب على الظرف عاجل
ادروب الهوى والعشق انا منجك تايب لا نمرك صباح ولا نمرك عشيه
المزايين في عيني قشر والسبايب جادلً بالكويت ويسكن العارضيه
انا كل مايطري عليّه يا ابن مدلاج يجيني بلا بالقلب والعقل يغدابه
على واحدً مودع حياتي بدون انتاج مغير اتفكر فيه واقول وش جابه
ابو وجنتن حمرا تشعشع بلا مكياج كما جمرت الدخان لا مز شرابه
وعزي لمن مثلي ليا ضاق مايحتاج يدور ع ضلع المحبين يشقابه
الناس مثل مقفلات الصناديق ولولا التجارب غشنا كل هراج
كم واحدن نحسبه ابانات وطويق واثره كما الزبده على صالي الصاج
احدً مع اللبل داله البال مسرور ولا همته دنيا سريعً قضاها
ماعنده الا بالعجل ي الصبي نور ولع حطبك ودلّتك قيس ماها
واذبح ولا تنشد عن القل ودهور جوك الرجال الي تكرّم لحاها
عوايدن ماهي من ايام وشهور وقولت نعم ماكل رجلً لقاها
واوجودي وجد من حكمة تدمر خونو جيشه وشعبه ثايريني
وجد ابو عداي والليبي معمرّ وحسني مبارك وزين العابديني
من وليفن في معاليقي تومرّ لا تذكرته حرقت البابطيني
ظامر السرجوف من ربي مظمرّ والجدايل وان تعرّا ماتبيني
من بعد فرقاة ظلع القلب جمرّ ومن نشدني عنه قلت الله يعيني
حالفن منساه كوود تشح شمرّ وتصبر عتيبه لجور العايليني
يا ناس انا ماني محلل سياسه ولاقد قريت من الدساتير قانون
احب ربي والوطن والرياسه هذا الصحيح وقولو الي تقولون
أثر التويتر مثل وضع العرب في مصر ناسً تسولف ولا تلّحق سواليفها
كلً غدا اديب وسياسي وشاعر عصر حتا المهابيل تتهبل على كيفها
العمر وان طال ياجمهور ولا قصر خيالة العافيه عجلً مناكيفها
سلم عليه خد لاترد السلام يابو خدود زيِن حبت خالها
وليا انشدوك العذر للمخطي سلام بنتً وقدمْ الناس حبت خالها
ياوليفي سرقت القلب والعقل سرقا مير حذرا تروح الروح يا روح روحي
والله اني غيرقن من سبايبك غرقا صابني ياحسين الدل ماصاب نوحي
انت مافيك عن وصف العماهيج فرقا غير رمشك ذبوح وغير طبعنك مزوحي
جعل من لامني بالزين راسه يعرقا فيه ستت اصابع من سببهن ينوحي
انا لو لا الحيا والخوف من قولت هبيل وصاح لاشرّف فوق راس الظلع صبحيّه وعصريّة
اصيح صياح من ركزو على نحره ثلاث ارماح وهو مقدْم عرب ومهيب العدوان بالهيّه
واهل الدمع من عيني على فرقا وليفن راح عشيرن يوم قفا تل قلبي من عراويّه
انا لا قتيلن يدفنونه ولاني حيّ من العام الاول ما بين هذي وهذيّه
سبايب غشيمن حط قلبي تجارب كي تعلم عليه الكيّ لين انحج الكيّه
انا مايزين خاطري غير شوف الذود على أول حلول الوسم والقاع رويانه
وخص البكار الي عليهن وسوم العود خواتن ل جذابه خواتن ل رمانه
تغريدات شعرية
محمد بن وافي الزعبي
alwafi_84