صحيفة الفرسان الإلكترونية
لو كل ما يبغاه الإنسان بطرف عينه يصير
السهل من يستسهله ؟ والصعب من يستصعبه ؟
ودام الحياه الزايله تفنى .. وش الأمر العسير ؟
الا الذنوب الزايده لا شالها في منكبه
والغيب محدٍ يعرفه غيرك .. ولا غيرك قدير
يا منجيٍ من مهلكه .. يا مطعمٍ من مسغبه
من رحمتك ارسلت لعبادك من الجهل النذير
وعلمتنا بالمنجي من النار ومن هول لهبه
يالله عفوك والرضى وانّك تجنبنا السعير
ارضاك غاية عبدك اللي يطلبك ما تطلبه
وانا الصغير اللي يظن بربّه الظن الكبير
منه الهدايه والتقى يوهبها لعباده هبه
يارب عبدك من ظلام الوقت بسمك مستجير
ظميره بكثر الزلل والذنب يا ما أنبّه
الى عثر من يجبره غيرك ؟ ومن غيرك نصير ؟
ما نافعه لا أسمه ولا صيته ولا كبر انسبه
ولو المعَرْفه هيّنه ما نستظيق ونستخير
والعرف ماهو بالكتب والكتب وسط المكتبه
واعمى البصيره منعمي .. لو كان بالواقع بصير
والمدرسه بالمعرفه والمعرفه بالتجربه
#عبدالله_بن_شنار_الزعبي