مما قيل في قبيلة زعب على لسان الشاعر/ عبدالعزيز بن إبراهيم الماضي
من قبيلة بني تميم يقول فيها:

زعبٍ لنا معهم نسابه وخوه قومٍ لهم من اول الوقت قوه
مشرابهم صافي من عدود الوفا وجهٍ لهم عبر الزمن ماتشوه
ياما وقفتو في وجيه المقرد واللي يداحمكم غدا الذل جوه
لاصاحت العذرى كسرتو من طغى مروةٍ ياحيّها من مرّوه
سلمت ياعرقٍ يشرّف منسبه مجدٍ لكم مبطي ولا هوب توه
فيكم من الوقفات يوم ان الردي طاش وتعدى وبان في الناس سوّْه
كم نايفٍ فيكم تعلى بالسما ماعوّد ولا قال ليته ولوّه
اقدامكم تعشق مداهيلٍ غدت صعيبةٍ على الحكيم المفوّه
وافعالكم تبقى ولو تنسى العرب ياكيف ننسى من شعى الليل ضوه
همّاتكم تنثر جلاميد الصخر مداتكم عوق السحايب ونوّه
ماقلتها جايع ولا راجي عطى حيث الكفو يعرف من اللي كفوّه
تمت وصلى الله على العبد النبي الصادق الهادي عظيم الأبوّه