يالله ياللي للمغاليق فتاح ياواحدٍ عينه علينا بصيره
ذكر الحيا والطيبين أهل الأمداح بيّن بيَان الشمس وقت الظهيره
والطيب مثل النور فلاج الأصباح ولا تفعل المعروف يمناً قصيره
وعمير له وقفه وله سـد ماباح أبيض وجه وأبيض فعول وسريره
ترفع له البيضاء على كـل طماح قـدره كبير ولـه مواقف كبـيره
يقول أنا في وقفة الخير مرتاح واللي بصدره هم نبهج ضميره
أحط همه فـوق همـي وينزاح وأشيلها شيل الحمول العسيره
وعمير بـدل ساعة الحزن بإفراح جمل وكمل كـثر الله خـيـره
بـادر لوجه الله في عَتّق بـداح من باب دين وباب مذهب وجيره
ماوده إلا الأجر من رب الأرواح لأن القدر يـؤمـن بشره وخـيـره
تعيش يالنادر ياكساب الأرباح فعلك شَهَر فـي كـل دارٍ وديره
ياعمير لك بالطِيّب مسرى ومسراح لأنك كفو والطيب فعلك نظيره
ياللي لبَسّت المرجله تاج ووشاح الأوله قسمك مـاهـيب بالأخيره
خالد محمد بن طامي الزعبي