الطيب والسمعه وتحديد المصير والمرجله ماهي بحاجة راس مال
الله يبيض وجه اخو ثنوى عمير ترفع له البيضا وتنصاه الجزال
اللي مافكر في قليل ولا كثير مايبغي الا الاجر محمود الخصال
وقفة كبير ٍ شايف الماقف كبير ماهو بمثبور ٍ على جالٍ هيال
فعله شهير وصاين الاسم الشهير تناقلوها فالجنوب وفالشمال
ياجعل يفدونه هل الشبح القصير اللي هدفهم فالجنيه وفالريال
وسلومنا فالوقت الاول والاخير ماهي على حسب الزمن وإن جا مجال
يوم انها كانت عبوس ٍ قمطرير والجار حامينه وحنا له ظلال
وعمير جدد سلمنا مع القصير اعتق رقبته وانتهت وبلا جدال
ولا هو غريب الطيب لا جا من عمير واخوان ثنوى طيبهم مضرب مثال
مبارك فالح الوشمي