عديت فالعالي على رأس قمه في نايفن مافيه كود الغيومي
وأطلقت علمن في ضلوعي المه وأثره على ماجيت عود يحومي
ياهاجسي والقاف بالأسم سمه العب على طرقن يشتت همومي
العب على وقتن تجرعت سمه قالت على روس القروم الرخومي
العب وانا بعطيك والعلم ضمه والحافظ الله مايجي فيك لومي
ابيك فالمعنى كلامي تتمه وابيك فالمضمون تلعب وتومي
وابيك كفن مازهته الأكمه تقمح يمينن ماتسد اللزومي
اهل النمايم ولعو كل نمه تشعل فأهلها من تشن الهجومي
قدو طريقن واتصف بالمذمه وادخل على الله من خفايا العلومي
اشباه قومن فالمجالس مهمه والعرف واهل العرف شافو وسومي
مايتبع الخمه ترى كود خمه ولا يقطع الفرجه ضعيف العزومي
يا دفتر الايام فالوقت غمه شفنا ماعفنا فالزمان الظلومي
شفنا حياتن كلها مدلهمه امجاملات وكذب في كل يومي
شفنا الزمان اللي به اخوان شمه شفنا زمان أمضيعين السلومي
تفن على وقتن هرج فيه رمه تفن على حرن غدى اليوم بومي
والخبل يكشف نيته قول فمه واللي قليل الهرج دوم امعصومي
بعض العرب يالله تخليه لأمه ماهوب فأصحابي ولا في خصومي
ماهوب همي دام انا صرت همه بعطيه قسمه من صغار القسومي
لأنه صغير ولابسن له معمه ويموت ماحقق جميع الحلومي
لو يرسل اعلومه على كل يمه يبغى القمر والناس حوله نجومي
يابنت شومي بارد الوجه دمه لولا الرخاء ماكان يلبس هدومي
ترى كثير الهرج مافيه ذمه بياع هرج ويعجبه كل سومي
أليا وردنا تصبح الارض جمه واحظوظنا ماهي تطيح وتقومي
وجهت للي نتجه دوم يمه الواحد الغفار ربن رحومي
عبدالله بن عجين