صدر الرواة و جزل الأبيات أحتفو بأسم اللي بفعله يصيّر مايصير
الماقف الغصّاب ياقف له كفو راس أبلجٍ فالكايده شروى عمير
ياجعل أخوه الجنّة امع اللي لفو من قبل لايُدفن عفا وأطلق أسير
عمير علّمنا على معنى العفو كبير في فعله وفي قدره كبير
يالله عسى بالآخره ساع وقفو تكتب له أجره بين جناتٍ وخير
وأخوان ثنوى مايكدرهم صفو محازم الشدات فاليوم العسير
من روس قومٍ فالمراجل ماهفو يامن بهم خايف ويزبن مستجير
ذولا عيال العود بالصفوه صفو من عادها حربٍ عبوسٍ قمطرير
زعوب في روس المعالي ماخفو فعولهم سيفٍ ماعوّد فالجفير
حمّاية الجار بمواقفهم ضفو المجد حث لـ زعب تاريخ ومسير
محمد بن هميّم الزعبي