سلام الله على جزل المعاني حفيد الجاه وسهيل اليماني
محمد ابن عبدالله محمد على ابن اهميم تساق السماني
على الشاعر سلامي والمطوع بعيد الشبح ووسيع البطاني
يلجج صوته ف كل المنابر بعد شوال ولا ف رمضاني
تقدم في قصيده قبل جاهه مجملنا معا ربع وعواني
وعلى الشعار لا قال وتهيا بعيرٍ لاهدر هيب حصاني
ولا له ف الغزل ولا المغازل يقول ان الله الهادي هداني
عرضها عرضة ابن اخي لخاله الين اخفى المعاني ف المعاني
عرضلي يوم عدد في قصيدي وانا شاعر وينصفني لساني
اعلمه القصائد وهوَ طفلا فلما طول اللحيه هجاني
سعد الرويبخ
رّحب فيك ياذرب اليماني تراحيب البدو فيه ضيف عاني
بعد جتني البيوت السرمديّه لزوم أصدّر الليله بياني
درست المرجله والشعر منّك ياراسٍ مايقرّب للطماني
انا ببقى انا والراس شايش لو القسوه تجيني من زماني
معادنّا يابو محمد مناجم تصك ابها ليا ضقنا المحاني
ولا لك غير طلق الوجه الابيض ياشانٍ لا ارتفع ماطاح شاني
خذاني وادي الشعر ودهمته وجعله خير يوم انه خذاني
دحمت بجنبي ووقففت كلي على العليا لي اسم ولي مكاني
يقولون الصبي من طيب خاله واقول أرتاح ياخالي تراني
إذاها بالشعر ريّح مكانك انا الاول ياخالي وانت ثاني
محمد عبدالله الهميّم