معا مقدمك يالجوزا تمل النفس حر الصيف لو انك يالبنادم في سعة عيشة ومتعافي
ترى الشاعر وسيع ٍمدركه مير الخفوق صخيف تشوفه يرسل الحكمه لغيره والبلا خافي
يسرّه شوفة السيل وخضار العشب وقت الريف ويحسّه لجة السرحان يقنب فوق مشرافي
عن اسرار الهوى واهل الهوى صدّر صدور معيف وهو من قبلها غيّه بنون العين ينشافي
قصر في مطمعه عن معرفة بيدا وخيل وسيف هرج يوم السوالف هي ذخيره كل عرّافي
يغيب من الجموع ولاحضر يحضر حضور الضيف ليا من صار ماله في صدور الناس مضيافي
شرب من صكة العمر وصعيبات التجارب كيف وصكات التجارب يوم يبحر خير مجدافي
ناصر متعب الحذيان