رداً علي قصيدة الاخ بدر بن ماجد الصبيح
يامرحبا بالرقم من بين الارقام اردد الترحيب من عصر واعيد
ازكى من العود المعتق والانسام في روضةٍ من دون حزم الجلاميد
محميةٍ فيها عساكر وخدام فيها ام سالم غردت بالاناشيد
ولا فيه غير الساده عيال الإمام الفيصلي راع الحدب والبواريد
من ندر ابكار الفكر صغت بنظام واسترسلت كبر وتبجح وتأييد
صوَت لين المشي بدل بـ درهام منقيةٍ كنها من ابل المعاضيد
تمدح وريث العود يانسل الاكرام يابدر ابن ماجد سليل الاجاويد
جدودك اللي تقسم العايل اقسام اشيد والعالم يابو ماجد تشيد
سلطان اسمٍ ناحته صدر الايام والمنفعه للكل من دون تحديد
عساه في جنة عدن نسل الاحشام يشرب من الكوثر ويقطف عناقيد
وابن شنار اللي عسى عمره اعوام شيخٍ شهر ومردد جدود ترديد
عودٍ له الامداح والعـز هندام ما ينثـني عن ماقف الطيب ويحيد
وانا اشهد ان لك خال يسوى له اقوام عبدالله مجدد وفا العود تجديد
حنا لكم لا كبرت القاله احزام وفزعات ابن هدلان لاقيل يا عبيد
تمت وترسل لك على الخاص والعام كنها الهنوف الفارعه ليلة العيد
سطام بن خالد الصناتين