ليا حان بدع القاف والفكر قام يثور اجيب القصيد اللي هل الشعر تطرب له
خذينا الشعر مابين طربه وزود سرور سرور بدوي ٍ ساق ذوده على الربله
وله بصمتن في ماقف الطيب المنعور وفي(ن) جميع الناس تاقف وتحسب له
سلامي سلامٍ منبعه من وفا وشعور عدد ما استهل المزن واركى من القبله
سلامي على اللي فزعته في نهار الجور تداوي كبودن من عنا الوقت مندبله
سلامي على مطلق كريم النبا المشهور مع الناس في طيبه ومع من تقرّب له
حماوي صميدع راس يوخذ برايه شور عليه الوفا يذكر والامداح تكتب له
وخلف له اللي مالحقهم ردا وقصور تعز الرفيق ومجدها دوم تتعب له
ومبروك يامطلق عسى الله يزيدك نور خذيت الشهاده يوم للعلم تطلب له
عزومك قويه ما حصلك تعب وفتور فداك الذي لا صار ما صار يا خبله
والى جيت خالد محزمن باللقى مذخور وريث المراجل والوفا دوم ينسب له
ترا النجمه اللي جبتها بعد عد شهور تعب دونها ولد الردي وانقطع حبله
هذَا وانت من ربعن لهم بالمراجل دور اهل فزعتن عجله واهل سيرتن قَبله
من الوقت الاول والمديبغ طوال شبور تشيل الحمول وتنطح الضد وتهبله
فهد بن متعب الحذيان