قصيده مهداه إلى علي بن صالح المساعد الزعبي
بمناسبه زواجه نسأل الله العلي العظيم له التوفيق
من ضمير الشاعر اللي بيوته ماتبور راعي الوقفات والجود ماحدٍ يجهله
أتقدم وأتهيأ وأنا عبدٍ شكور وأطلب الحسنه الله وكلٍ وعمله
بأسم ناصر مرحبا بالمطاليق الحضور بالنيابه قلتها والوجيه مجمله
مرحبا من قلب وأحساس وأعماق وشعور في محل أخوان وضحى نجي ونسجله
الفرح فيه الرضى يالنشاما والسرور والحضور اللي يجمّل سمِيّ المرجله
جيت أبارك وأكتب القاف بصدور البحور في زواجك ياعلي جاك قافي وأزهله
في نسب من تدحم القوم وتفج النحور من سبيع العز والساس صافي منهله
طاري الغلباء نبأ عند وافين الشبور مجدهم معروف تكتب عليه الأمثله
الفخر والطِيّب والفعل زاد النور نور زعب حنا زعب حنا رجال الأوله
من خوال الشيخ عساف والطِيّب مخبور طِيّبنا مع طِيّب أبوثنين يعلو منزله
والنعم في زعب وسبيع والنشمي فخور بالفعول الوافيه والفعول مكمله
الحفل نوره بدى تو مافاح البخور وارد الرسلان صبو دلال مهيله
خالد محمد الفريح