كلمة النشمي لها قدر وجماله لاتجي إلا جايبٍ علمٍ رزيني
أبشر أبشر يابن عمي بالجزاله شاعرٍ وأحب مدح الطيبيني
الشعر واقع علوم أهل الشكاله وارثين الطِيّب والعلم السميني
ياسلام الله عدد صادق خياله للكريم اللي خذى جَوّده يقيني
أنت يابو محمد النادر خصاله ياطِلِيق الوجه ياجزل اليميني
والله إِنّ أبوك زَبّن اللي حباله ألتوت به وأصبح بعمره حزيني
من هل الوقفات لاصكت بجاله محتمي للذود من ماض السنيني
أرحمه يارب ثم ألطف بحاله وأجعل الفردوس داره يامعيني
كل عودٍ شفت طيبه في عياله الله أكبر يالرجال الغانميني
يارفيع الشان ياراعي الجماله أنت يافرحان ريف المبعديني
كل طَيّب نشده منهو خواله لا ظهر فعله وشد الناظريني
الخوال الساس وأمجاد وسلاله الحلاوين ونعم دنيا وديني
زعب عون الجار لانزّل رحاله زعب زعب العز ماترضى الهويني
مجدنا بالطيب ناموسه رجاله يكتب التاريخ عنا كل حيني
خالد محمد الفريح