عد من زار بيت الله وصلى وطافي مرحبا ياهل العادات كرمان سبله
أسر ياليل والمعنى يغيض الضعافي عقب اللي ليا منه رمى تاه نبله
أتقدم على المنبر وأعد القوافي وأتهيأ وأجيب الجزل لا أمتس حبله
كلما جيت أعدد فعل رجلٍ سنافي يعجز الشعر والتعبير عن وصف فعله
أنت مثل الجدي يسطع ولاهوب خافي في حضور النشاما غاب من عز شبله
فعل يمناك ياقايد يَعَدّ ويشافي الله أكبر على اللي كل رجلٍ حسبله
يابعيد الهقاوي أنت رجال وافي كلمتك تنحسب لا زاد بالوقت طبله
أبوتركي رفيع القدر والستر ضافي من ينافسه غادي بعد طيبك نشبله
مد ربي بعمر اللي ليا قال يافي يحتمي كلمته بكره وبعده وقبله
وجهك أبيض يابوتركي عساك العوافي أنت مثل المطر يبهج ليا زاد وبله
خالد بن محمد الفريح