هذه القصيدة لـ عبدالله بن راشد الرمضان ( رحمه الله )
في ابن عمه محمد ابو علي
البارحه ماذقت نوم المهاجيع كني على جمر تقلب جضوعي
الناس سجوا في حلول المرابيع وانا بحزن اللي غدى من ربوعي
أعوي كما ذيب بروس القراشيع من مايقوته ما خذله اسبوعي
ياونتي ونة قطيع المجاريع على جبى عِد وقوف الرزوعي
على عضيدي لا ذكرت المنافيع قريب ما باليد لربعه نفوعي
وارجيه لا فرعن المفاريع لاحذفن بيض الخدود القنوعي
ولا جا نهار ذم وتشجيع يقلط ليا هابوا عيال التبوعي
ولا جيت بأرقع ماتسر المراقيع ومتشايز فري الخلل في ضلوعي
وأن جيت بأفزع وين بألقى المفازيع لا والله اللي طاح بيرق جموعي