أفزعي لي ياحروفي أفزعي لي بالجزيله جنّدي لي كل حرفٍ بـ الحروف الأبجديه
ارتخى لي شطرٍ اول أكتبه من ثم أزيله ودي أكتب لي جزيله فالها للعالميه
شاعرٍ من فضل ربي وابدع بيوت جميله والجميله مو جميله لو مافيها جاذبيه
من قراها مانساها ما عرفت المستحيله من سمعها شاش رآسه ولا تقاس المعنويه
لا صبوحه وافدا روحه لادلال و لا كحيله هالقصيدة تختلف والقلب باد العاطفيه
بتغزل بـ ارض جدي والتواريخ الطويله قبلة الإسلام فيها ومسجـد محمد نبيه
الفخر تآجٍ علينا والسعودي من مثيلٌه إي نعم أنا سعودي والفعل نارٍ لظيه
كلنا في صف واحد كلنا نفس القبيله ذكرى ذي قار وجيوشة او صفوف القادسية
دمنا دمً سعودي كلنا نفس الفصيله اتفقنا بالشهامه إنتوآفق بـ الهويه
الوطن منآ وفينآ والله مآ نلقى بديله اتفقنا ثم ردعنا أي فتنه طآئفيه
العدو قرّب زواله وكل من هو ينتميله انتسابق للشهادة ما تباطينا المنيه
والله ان يرجع يمنآ جارنا ما انهد حيله والسعودي قد قوله قلتها والرؤس حيه
والتحالف له فعوله لبّس الحوثي الذليله والله ان تخضع عدانا ياكذا والآ كذيه
من غدرنا له مصيره واسمعينا ياعميله حلمنا طوّل وطوّل لآن نوايانا نقيه
وان بغيناهآ سهآيل والسهايل مو قليله والله ان يمسي ويصبح لا بشوت ولا حليه
ما لحد منه علينا حنا قهر المستحيله فوق هامات السحابة ياوطن لك مركزيه
من على عهد المؤسس الحزم يبرق مخيله شمسنا سنة محمد بـ الكتاب المرجعية
مثلنا ويأ القيادة مثل خلن مع خليله حنا قيسك ياوطن والأرض ليلى العامرية
الملك سلمان فعله يشفي النفس العليله تاجنا فيه انتباهى روسنا بـ فعله قويه
كلنا سمعاً وطاعة كلنا سيـوفٍ صقيله روسنا تقدح طناخه روسنا تقدح حميه
لو يريد المستحيله غصب والله تستويله لو يبي نغزي عطارد لو يبي أية غزيه
كل سنه فينا التقدم بالحقايق والدليله يآولي العهد تبشر رؤيتك رؤيه جليه
انت تقدم حنا خلفك مآ توده بـ نعنيله ما بدأ فينا نتمه لا مانحتاج الوصيه
كلنا لـ اخوان نـوره شعب صامل يرتكيله عهدنا لا مآنخونه قلتها عن مقدرية
كيف لـ دنن نداها نقدح ازناد الفتيله بالثياب وبالشماغ وبـ البدال العسكريه
يآوطن شفنا بيومك جمعنا محدا يحيله حبنا ظاهر وخافي دونها شعبك سريه
ديننا يالله تعزه نعبد الله وننحنيله والصلآة على محمد بالضحى وبكل عشيه
الشاعر / فيصل سعود الزعبي