ياقلبي اللي كاثراتٍ طواريه ماضاع من هم العرب ما تعداه
والله ما احسد اللي ملين مخابيه هنيكم ياهل القلوب المعفاه
يقولها اللي قاسي الوقت حاديه ما جاته ظروفه على ما تمناه
وده بشوف اللي يعزه ويغليه ويقدم التبريك له ويتحفاه
سلام يابيتن على الطيب بانيه قرمٍ صناديد القبايل تنصاه
بانيه ابو مبارك على العز بيديه اللي يسوق المال والوجه والجاه
خالد ليا طروه ياحي طاريه افاخر بشوفه وفعله وطرياه
ثوب الفخر من ماضي الوقت كاسيه ماهو عطا لكن فعله بيمناه
اللي تهقوا فيه يلقى هقاويه ماهو برسن يابساتن ركياه
لا قلت تكفى قال حاضر ولبيه اليا عطا محدن يجاري عطياه
فكاك كرب اللي ظروفه تقزيه لونه اكبر من جبال السرواه
كم قيل فيه من القصيد ومعانيه والشعر والله ما يعدد مزاياه
زعب العريبه كلها تفتخر فيه ياجعل شيخان الرخا من فدياه
سعود بن مدلاج الزعبي