قصيدة عبدالله بن راشد الرمضان رحمه الله
عندما سأل عن سبب تكرار زيارته لخواله السبعان فرد بهذه القصيدة
بادي باسم الولي منشي الحال
عد ماينشي من القبله خياله
من تماثيلي طرالي ماطرالي
واشرب الما من صفا صافي زلاله
اخذت الجزلات وأخلي الهزالي
عارف ميلت طريقي من عداله
يافهد يامسندي شفنا الهلالي
وأعلنوا بالعيد وأثبتنا هلاله
قرب اللي سرعته تطوي الرمالي
منوة اللي لا إنتوى ينساح باله
يوم جانا العيد بنعايد خوالي
يوم بعض الناس ماعايد خواله
وصلنا ماينقطع طول الليالي
جاء من المعبود مع راعي الرساله
لي خوال تحتمي تالي التوالي
فوق جال رماح جعل السيل فاله
ديرة السبعان مرخين الحبالي
وإن لفاهم عاني يرفع جلاله
ياردي المعرفة مالك ومالي
كل مخلوق مسيره قد حاله
والمراجل للولد عز وجمالي
والردي مانيب من يكشف جلاله