مجاراة للقصيدة من الشاعر
سعد بن قاسي بن محزم السبيعي
ياوجودي وجد عودٍ قضى عمره وحيد لا تذكر مامضى يضرب الارض بعصاه
طارقه وسط الحشا لاح براقه يزيد من قنوف المزن والوبل حدر من سماه
ماطراله قد طرالي وكررها وعيد خص لا شرفت من كان والدنا رقاه
هاضني خشم المعيقل وهيضله عديد ولا نشدته عنهم كنه يجاوب صداه
قال تنشدني عن البدو ماعندي جديد عقب مابيوت الشعر حولنا براس النباه
ذاك منزلهم على الريش يالعقل الرشيد مابنو بيوت السدو لانزلو وسط الوطاه
اذهبو لهم ثلاثين عام ولا تزيد برحمة الوهاب مخاب عبده لا رجاه
علهم في جنت الخلد لا حر وجليد ولا بقى غير الفعايل لهم روس الدهاه
قبل لا بين نبات الحيا جوله شديد وياردون العد قبل البشر ويقل ماه
ماقبطو من يبني القصر ويجمع رصيد وكل منهم مقنعه رزق ربه لا عطاه
سعد بن تركي السحوب
مجاراة للقصيدة من الشاعر/ سعدبن قاسي بن محزم السبيعي
شاعرٍ هيض هجوسي على بدع القصيد يوم شاف اللي على خاطره بيُن خفاه
وقام يتذُكر هل العز والمجد التليد ويعتزي الحيزا على مارآه وما دهاه
اخو وضحى يذكر الماضي اللي ما يبيد راسخٍ فالذاكره وهيضه رجمٍ علاه
هيضه خشم المعيقل وجاب اللي يفيد من فرايد هاجسه وثق العلم ونباه
وثق الفعل الحقيقي بمعناه الفريد ويتخيُل منزلة بيت ابوه اللي بناه
في الرفاعه شيّده للضيوف وللمديد والكرم من عادة اللي رفيعٍ مستواه
يرحم الله شايبٍ ترثته طيبٍ وجيد وارثين السمعه الطيبه فعلٍ وجاه
يابو تركي ما نلومك على العلم الاكيد من يلومك ضيّع المرجله واثبت رداه
انا قلت الواقع اللي ذهب صعبٍ يعيد وانت وضّحت الحقيقه على كل إتجاه
ومانظمته قد حصل للقريب وللبعيد صح السان اللي ذكر ماضي الوقت وقساه