خل السما للعقاب وعلّم الحايم اللي طبوعه عن أهل الطيب منحازه
وجيهنا غاليه ما سامها سايم يميّز الوقت دايم قيمة عزازه
ثنتين فالجاه عز بشيمة الشايم ترفع مقام و لأسامي الناس عنّازه
لو يبرز الرجل في ليل السما الغايم الدين والمرجله بتحدد أبرازه
فالدين حي الضمير الفارق القايم في منهج ابن عثيمينه وابن بازه
وبالمرجله حي راسٍ للعلا هايم مراجله رقم يصعب غيره إحرازه
مابين ظيم الظروف وضيعة الظايم ماكل مجدٍ بغاه الآدمي حازه
الناس مالك عليها لوم يالايم من ينجز بيفتخر في صنعت إنجازه
لا توصّي فلان يقضي عازتك دايم مايقضي العازه إلا راعي العازه
محمد بن عبدالله الهميم