علاج ضيق الصدور اللي زمنها مرير سوره من المصحف دوانا بترديدها
تمر ّفينا من الراحه مايسوى الكثير ليلة من العيد ونعيّد على عيدها
لا ضاعت الوجهه وآلت لسوء المصير الرشد في النجمه اللي تمّ تحديدها
البدو تتبع هواها من غدير لـ غدير تروي ضماها وتسقي بالكرم بيدها
تجري الركايب وفيها الحمل ماهو يسير على ظهور الجمال أقصو بتزويدها
الناس يمكن بتالي الوقت شرٍ شرير رسالةٍ يفهم المبغض مقاصيدها
مايذكر السيف لا منّه بقى بالجفير والبندق اللي تصيد وتخطي بصيدها
يجوّد المرجله رجلٍ مقامه كبير والا الردي لو يحاول صعب تجويدها
البوصله بالصعايب والرخا تسدير ماهزّت الشجره وطيّب عناقيدها
لو قيدتنا الشدايد فالنهار العسير أسما الرياجيل زاهيةٍ على جيدها
إن كان ماتمشي الدنيا على مانسير نطيب ونكسّر بوقفاتنا قيدها
ولا علينا من الهرج وعديم الضمير سادات الأقوام شرهتها على سيدها
مهما نسوّي ونملى العين بفعول خير أهل المناقيد ماتترك مناقيدها
محمد بن عبدالله الهميم