يامرحبا من صميم القلب وعزومه ترحيبةٍ تشرح الخاطر مساعيها
الشعر يازعب عندي ما أنتهى يومه ولاخير في الوقفة اللي غاب راعيها
أنا بيوتي على الجزلات منظومه أحبك عددها وزن وأسبك معانيها
بحر القصيد أسبحه وأعوم في عومه أرهي عليها من أولها لتاليها
تسحر مسامع عباد الله ومفهومه ولاني من اللي يخمخمها ويخطيها
خالد بفعله علينا تسبق نعومه ولا المعاذير يمه ما اللتفت فيها
خالد على الطيب دايم نذكر علومه له وقفةً بالشجاعه مايخليها
يوم المراجل لكل الناس مقسومه خذيت قسمك ونفسك زان طاريها
يانسل من عنده الضيفان مردومه مجالسه للرجال الكفو بانيها
فيصل ومقرون سلم الطيب بسلومه وعوايد أهل المذله مايدانيها
أبوك رمز الوطن من خيرة قرومه الحاجه اللي على القمه يوطيها
بقول عنّه وعن وقفته معلومه معلومة ماحدٍ يجهل خوافيها
لاشفت وجهه تشوف العز ورسومه جمايله كل خلق الله دروا فيها
مكارم الفيصل المطنوخ وعلومه أقصى العرب خابر علومه وداريها
لك خال فعله مكدر نهضة خصومه هايف – وعين العدا بالرمح يعميها
شجاع فارس وربعه دوم معزومه في مجلسه والنشاما من مباديها
أقولها يوم كلٍ يفخر بقومه ربعي بني زعب من يقدر يناحيها
يوم أسعدت جارها والحر له حومه والله يحفظ القبيله بأمر واليها
واليوم كل البشر بالخير منعومه في ديارها والنشاما دون أراضيها
وأختامها جاتك القيفان موسومه موسومةٍ بإسم خالد صوب راعيها
خالد بن محمد الفريح
التعليقات 1
1 pings
محمد بن إبراهيم الحميان
19/06/2018 في 6:39 م[3] رابط التعليق
صح اللسانك ياابن فريح ويستاهل أبوبندر كل اعلومه غانمه جعله للسعد دايم
أبدعت في جزلك وتفننت في حرفك يامال الغنيمه
لك ودي واعجابي ياشاعرنا