سلام يا اللي بين الاجواد مخبور من طيب راسك كل طيب يودك
الطيب ساسك واضحٍ كنه النور لو جارت الايام ماباح سدك
انته ولد بجاد وبجاد مشهور وطيبك ورثته بين خالك وجدك
يامحمد البجاد انا منك مسرور يوم إن رب العرش بالخير مدك
ياعل يفدونك رديين وثبور ويفداك منهو يا ولد ما يودك
المرجله عند النشاما لها دور وأخذتها من فعل راسك ويدك
بيتِِ مشيد با المليحا ومعمور بناه عودن باللوازم يسدك
عودِِ بفعل الخير والطيب مذكور ان جيت له في لازمك ما يردك
يا محمد ان عدوا هل الطيب والشور من بين عكفان الشوارب نعدك
وعلى النبي صلوا عدد طلعت النور اللي على درب الهدايه يشدك
راشد بن سلامه الرمضان