.
أنا مع أهل السلطه العليا مسجل و محسوب مو ناقص إلّا صورتي وسط الكتاب المدرسي
معاملاتي كلّها عـاجل وتمشي بالدروب مابه مـوظف يعتذر ويقول مشغول ونِـسي
عشان من وصّـى عليها سلطته فوق الشعوب تخلي الـمصري كويتي مغربي أو تـونسي
ينفذون الأمـر لو ماجا حدٍ عني يـنوب وأوراقي من غير الذي وصّابها ماتِلمسي
أزهم عليه إذا شمال يـكون ولّا فـالجنوب والـزند يقدح في دقايق والفتيله تـقبسي
الله يبيّض وجـه عادل بن محمد بن سحوب يخلص أشغالي وينجزها وأنا في مجلسي
إذا تذكرته وأنا في مـعمعة شغلي وأجـوب أضحك وأنا من قبل ساعه عاجز أرد إنفسي
شيخته شيخة مرجله بالفعل والراس معصوب والدبلوماسي دبلوماسيته تـحـرك هـاجسي
يـتكتك الموضـوع و يـبرمجه وأسلوبه سلوب ماهو مهندس بس هندسها بشكلٍ هندسي
يعلم اللي يحسب أن الطيب في مشلح وثوب الـمرجله لأصحابها والبربسه لـلبربسي
الله يـخلي مثله وشرواه من بين الـزعـوب لا دق صدره قال حق الضيق و الهم يـخسي
خالد بن فهد بن سلامه