.
قال الذي يبدع جميل التعابير مايلحق أقصاها كبير الهقاوي
الخير تزهى به رجالن بها خير مثل الغناة اللي تسر الغناوي
يافكري الليله تسوقك صعاطير والبدع قفرن واسحم الذيب عاوي
يامرحبا يازعب روس المناعير يامرحبا يازعب عند العيساوي
يامرحبا وأيضاً بعد يالمسافير واللي لفى من كل الاجواد ضاوي
في محفلن فيه الدلال المباهير فيه الشحم فيه ازرق العود جاوي
ذى طبع ربعي فالعسر والتياسير اهل المجالس حامسين القهاوي
اهل المهار اللي تدك الطوابير فكاكة الحيزا نهار العزاوي
من دون جار البيت مابه مخاسير الموت والله والحياة امتساوي
مبروك يامحمد فدتك المقادير والله يحقق لك جميع المناوي
جاري وابن عمي بعد عندي وغير يكفيني اني لا نخيتك نداوي
والختم ياربي عليك التدابير انت المنيع اللي من الشر ياوي
عبدالله بن عجين الزعبي