.
الحظ سهم وتدفعه قوة وينتج حالتين أمّا تصيب به الظبي وألا تعثر دونها
والفقر بيرن جف ماه ولا يبل الواردين تعبت ركايبهم وضميت والغبن بعيونها
والهم مثل الفروه أكبر من مقاسك مرتين متحاوطتك ولا قدرت تفك عنك ردونها
والبخل نفسن مذنبه ماهي تحب التايبين يهون فيها الذنب والتوبة تجن جنونها
والجبن رباضّن تهاوى فيه قصّار اليدين لو تحفر إيديها يملِّ الرمل كل جفونها
والحزن خيمة مالها بيبان ما عندك عوين تشربكت بالحبل هذا طبعها وفنونها
والقهر رمحن ما يفج صدور حتى المعتدين فيديك نقله والعدا صوبك تحد سنونها
والطيب بستانن يضلك ممتلي بالأكسجين من حصّله ما يتركه لو يتعبه عربونها
والعز دين الله ليا صلّيت ضمن المسلمين الواحد المعبود علاّم الغيوب وشونها
فهيد عبدالله العوينان