.
لا ياصاحبي لا هنت تعال يمي جاي كلمت راس لي مده عنك مخفيها
وانا والله حذر وامشي واعد خطاي اخاف نكحل عينها ثم نعميها
وانا لو تزول جبال ماحيد عن مبداي علوم الرجال وطاعة النفس واليها
لي مع الشقى رحله من اول زمان صباي ومع وقفاتنا اللي بارد الوجه ناسيها
نقارع جموع تتعب الماهر الرماي هجوم ودفاع وربك اللي يسويها
دنيا قد شكى من جورها سحلي العواي توجد على هاك البيوت ومبانيها
وانا اتعب على صحبة صناديد عرف وراي رجال لها هيبه لا ذكرت بساميها
ولاشفت الردي قدمي حطيته علي يسراي اشباه الرجال تعين اللي يماشيها
ولاشفت اللذي حطه زمان الندامه هاي قلت اخذ المراجل ياحمر العين ما بيها
وانا لو اعطيت بنوك مع وضح ابن عصاي مع خيول زعب اللي للاشراف جو فيها
رفضت العروض وقلت يالربع انا مشاي الي عالم مجهول سبحان محصيها
بناجي إلهي رب البشر مولاي وارجو رحمته نفسي من النار ينجيها
وانا رغبتي اعيش سواح في دنياي ولا توذيني العالم وانا بعد موذيها
هذا كل ماعندي وهذا سبب شكواي وهذي سالفة صاحبك وذا كل مافيها
مطلق بن شنار المديبغ