.
رد على قصيدة الشاعر بدر بن ماجد بن سلطان الصبيح
يابدر يابدر السعد طير حوران طلعتك فيها من المراجل بواشير
مسنعن مابين خالن وعمان والطيب عند الله ولي التدابير
ابوك نعم الرجل والجد سلطان هيف الغنم للضيف والا المسايير
ولاهان من سمي علي بدر لاهان ذكره شهر بين الرجال المناعير
وجدك شنار موطين كل شيطان فكاك جل الذود هي والمظاهير
فعله مجرب عند حلوات الألبان عند الملاقا صدر الخيل تصدير
وحطني علي يمناك لكان ماكان نجيبها فالجاه ولا الدنانير
حنا لنا عند الاجاويد ميزان ميزان خير ومن أكبار المعايير
كم واحدن جانا من الديين غرقان من فضل ربي مانرد المداويير
والله يوفقك السلامه والاحسان وتكمل المشوار بالعز والخير
فهد شنار المديبغ