.
بسم الاله العظيم الفرد سبحانه قصيدةٍ في صفيح الماس نطليها
ياشعر بستأذنك بالقاف وأوزانه لأن الرجال الكفو لابد نطريها
يامرحبا بالكريم اللي على شانه سقنا الفرايد وبيّحنا معانيها
ترى الوفاء والكرم والصدق عنوانه كلمته لا من طلبته مايثنيها
هذاك من ينصي المحتاج ديوانه مطالبه كلها لرضاه يهديها
ياكم من واحدٍ مشغله ديانه لامن بدى حاجته لابد يقضيها
كل المدايح على المذكور منصانه مادام عبدالله بن قطيم راعيها
تشهد على فعله المحمود جيرانه عوايد بجده بن قطيم يبديها
ينحر قعوده قبل يلفون ضيفانه فعايله كل خلق الله درو فيها
من لابتةٍ من سما الأمجاد رويانه خصيمها بالمغازي مايدانيها
زعب الإجابه تَعْدَل ّ ميل ميزانه تشب نار الحرايب دون أراضيها
واليوم ننعم بفضل الله سبحانه وكل التواريخ تحفظ حق ساعيها
يقولها شاعرٍ صح الله لسانه مواقفه بين ربعه مايخليها
صلو على محمد المبعوث وأعوانه وأعداد مايطرق الغربي ذواريها
خالد محمد آل فريح