.
استهاض الفكر والفكر لا منه استهاض ياتي بنّدر هل الشعر ماتحضابها
والله ان للشعر في راسي ربيع وفياض ابني الجزله بفيضه وامس اطنابها
يابو نادر والمدايح طويلاتٍ عراض ماتعددها القصايد ولا كتّابها
مير حنا نبي نعد روضة من رياض من رياض المرجله والفخر محرابها
انت وجهك من عرفناه كاسيه البياض من فعايلك الجزيلات ياعرابها
في سباق الخيل الاول ولا فيه اعتراض كنها مكتوبتن لك قبل يِبدابها
كنك تقول الاوايل ولا عنها استعاض كانها ماجات الاول باقص ارقابها
والله ان ارواحنا كلها ترد الحياض غير الاوايل والله ان زعب ماترضابها
اللي يبغى الجايزه راحت احلامه قضاض غيره اطيب منه وابطى وهو ماجابها
الخصم لا شافنا جاه ربكه وانتفاض جوه لابه تحتمي الطايله ب اشنابها
كل فارس يطلع من الشوط خاليّ الوفاض راعي الريشا خذا الجوايز وقفّى بها
حذروا اهل الاصايل لا جاء نوفا الرياض الاوايل مالها غير زعب اصحابها
خالد بن هادي بن مسفر السطام