.
كما يقال ان الرجال مواقف
واليكم هذه القصيدة بدون مقدمات وهي
اهداء للاخ العزيز طامي بن راشد الزعبي
والذي لن اوفيه حقه اتجاه معروفه بي
ياسامعين الصوت للصوت عنوان عنوانها ينصى بعيد الهقاوي
شيال حملِِ ما يشيله بليهان وطير السعد شاله ودونه ثناوي
حر ومنزاله على كل ما بان ماهو من اللي منزله بالمهاوي
هذاك طامي لاختفى ناقص الشان يبين لك والعلم جاك متساوي
طامي ولد راشد فزع كل بلشان عز الرفيق الى بلته البلاوي
مواقفه عندي كثيرات وسمان من العدد محصي لو انه حراوي
نصيت غيره مار عودت ندمان صارت على ماقيل رمين سماوي
قال ازهله عندي وانا اقول وكدان وخل الردي من دونه الفين عاوي
انا زبونه وارق من فوق الامتان والصعب يسهل لو ادروبه ملاوي
ولا هي غريبه والمواقيف برهان ياقف لها الزعبي بوقت النخاوي
ربعه هل النخوات ذربين الأيمان خيالة الحيزا كبار العطاوي
تاريخهم معروف من ماض الازمان وصويبهم بالكون ماله مداوي
قبيلتن بين القبايل لها شان عزاز النفوس مدلهين الجلاوي
هذا الصحيح وزايد الهرج نقصان وقولِِ بدون اثبات ماله عراوي
عبدالله خليف الشمري
رحمه الله