.
اهداء الى / محمد بن بجاد آل شقران الزعبي
من الشاعر / عبدالمجيد بن فرحان الرشيدي
يستطيب القول والشعر لا جاله مجال والقصايد روحها لاسما مضمونها
ويستصاغ المدح شيخً غدا مضرب مثال ويستحق النعم شيخً دفع عربونها
عدنا المارود نارده والمشرب زلال عيلم تارد عليه البدو بضعونها
محمد اللي يرتكي للمهمات الثقال والقبيلة في النوايب ثني من دونها
محمد الي له من ارث الفخر وجه وفال وفيه رمعات الهقاوي تصيب اضنونها
ترفع البيضاء لمحمد على روس الجبال فجر عيون الصفا للبشر يردونها
وحط وقفه بسم ربعه عسى سنينه اطوال جعلها لنشفت ارياقهم يلقونها
جعل يفدونه هل البخل عباد الريال يوم حفاظ الدراهم طفح مخزونها
لفختر راع الفعل فعل ابو بجاد الحال والجبال الراسيه من يهز اركونها
نسل بجاد جعل قبره مروايح الخيال لستوت من فوق قبره تهل امزونها
عيد ركب يشكي البعد والضمر هزال ضو محمد تدعي الي بعيد ايجونها
ترحل الدنيا وتفنى وذكره لايزال سيرة عطره راواة السير يروونها
بيت عز من بغى الفي يلقاله ظلال شجرة فيها الذرى والثمر بغضونها
أسرة تحيا على العز من ماض الليال والسلف ورث لهم سيرة يمشونها
والختام العذر وان كان ماوفاك المقال المقام اكبر من المفرده والحونها