الاوادم ف الاوادم ماهي بلمزومه طيبها من إحسان ولّا لدافع الانساني
لاتعذرب وقفة الطيب معك وتلومه يكفي انه ماتصدد يوم جيته عاني
مايذم الطيبين الا الخبل والبومه دون شرهين الفعايل ذمتي ولساني
والتشكي ف المجالس عادةٍ مذمومه إني اسمع شخص يشكي حالته ماداني
ودك الرجال لا ضاقت عليه هدومه ماينزل قيمته لفلان ولا فلاني
يايدرهم فالبعير اللي يشيل همومه او ينوخ ويتعلم درس له مجاني
السنين مقدّره واحداثها مقسومه لا فرحنا اسبوع كثره او دبلْه نعاني
والحياه اقصر من ازرار الرجل لكمومه البخيت اللي سندْه الوازع الايماني
وكل طيب لابرز فعله تجيك علومه وكل طيب صرت اعده واحد من اخواني
والردي وجهه قفاه وخنجره مسمومه من تذرا في وجيه اهل الردى يشناني
ودك ان اهل الردا اوجيههم موسومه تنعرف بين العرب عدناني وقحطاني
سعد بن محمد الرويبخ